السلام عليكم ورحمه الله وبركاته
احنا فى شهر 9 شهر المدارس ومفيش بيت مش بيستعد للمدرسه ومش بيشترى ادوات المدرسه ( كتب خارجيه وكشاكيل وكراسات اشكال وانواع مختلفه وكلنا بندور على اجود الانواع فى الموضوع ده هانتكلم سوا عن انواع الكتب الخارجيه للمرحله الابتدائيه
وانواع الاقلام الجاف والرصاص والبرايات والمحايات او (الاستيكه) والبرايات والشنط المدرسيه .
- الكتب الخارجيه فى مصر مهمه جدا مفيش طالب مش بياخد درس خصوصى لكن لكل مرحله الكتاب المناسب ليها وعلى سبيل المثال كتاب الاضواء فى اللغه العربيه والحساب جميل جدا من الصف الاول الابتدائى حتى الصف الثالث الابتدائى لكن من الصف الرابع الابتدائى كتاب سلاح التلميذ هو افضل كتاب خارجى لكل مواد ابنك او بنتك اما اللغه الانجليزيه افضل كتاب هو (بيت باى بيت)
- الشنط المدرسيه:اهم حاجه وانتى بتشترى الشنطه المدرسيه انها متكونش ثقيله وتكون مناسبه لسن ابنك وحجم جسمه تانى حاجه خامه الشنطه المدرسيه تكون قويه او جينز مبطن وتكون فيها اكتر من سوسته للكتب والكشاكيل بحد ادنى 3 سوست كبيره غير جراب الزمزميه وجراب الاقلام لكن لو ابنك او بنتك فى الكى جى ( رياض الاطفال ) اختارى له شنطه خفيفه 2 سوسته مثلا واحده للادوات والثانيه للانش بوكس لانه مش هاياخد كتب وكراسات كتير فى الفترة دى .
- الكشاكيل والكراسات :لازم تنوع فى احجام الكشاكيل بمعنى لوابنك فى الابتدايه وما بعدها مفيش غنى عن الكشاكيل ال 100 ورقه وهتحتاجى كشاكيل 60 ورقه غير الكراسات ال 28 ورقه والكشاكيل السلك الطويله للغه العربيه لان الكتابه بتكون كتير جدا فيها وده غير اسكتشات الرسم بالحجمين الكبير والصغير
- الاقلام ارصاص والجاف : لكل ابن فى علبه اقلام عشان تغيكى عن شراء الاقلام فى كل وقت وده لاسباب كتير ( القلم طفح ياماما# القلم ضاع #او القلم خلص فجأةوافضل نوع للاقلام هو( فبر كاسيل )والالوان كمان وسعره مناسب لكن اسعار الوان الرسم من النوع ده غاليه لكن فى انواع الوان الرسم هندى وفى ماركه (ديل)جميله جدا واسعارها مناسبه لكل اسرة
- :المحايات والبرايات :ودى يفضل انك تشترى منها علبه بسعر الجمله لانها بتوفر وبتفضل موجوده سنتين او اكتر حسب استخدام كل بيت وعدد الاولاد الى فى المدرسه وافضل الانواع هو (فيبر كاسيل )
- وبكده نكون انهينا موضوعنا يريب يكون شامل ومفيد للجميع
تعليقات
إرسال تعليق